စည်သူသည် ၁၉၉၁ ခုနှစ်တွင် မြန်မာနိုင်ငံသို့ Optimist ရွက်လှေအားကစား စတင်မိတ်ဆက်စဉ်က ပါဝင်ခဲ့သော ပထမဆုံးသော ရွက်လှေကစားသမားလေးဦးထဲမှ တစ်ဦးဖြစ်ပါသည်။ သူသည် ရွက်လှေအားကစားကို ဒုတိယဘာသာတရားသဖွယ် အလေးအနက်တန်ဖိုးထားသူဖြစ်ပြီး အသက် (၁၅) နှစ်အရွယ်မှာ ပင် ရေပြင်ထက်၌ ရွက်လှေစီးနင်းမှု (လေ့ကျင့်ခြင်းနှင့် ပြိုင်ပွဲဝင်ခြင်း) နာရီပေါင်း ၁၀,၀၀၀ ပြည့်မြောက်အောင် စွမ်းဆောင်နိုင်ခဲ့ပါသည်။ သို့သော်၊ အသက် (၁၆) နှစ်အထိသာ နိုင်ငံ တကာအဆင့်ပြိုင်ပွဲများတွင် ပါဝင်ယှဉ်ပြိုင်ခဲ့ပြီး နောက်ပိုင်းတွင် ရန်ကုန်ရွက်လှေအသင်း (Yangon Sailing Club) ၌သာ ဆက်လက်စီးနင်းခဲ့ပါသည်။ စည်သူသည် အသက် (၁၉) နှစ်တွင် ရန်ကုန် ရွက်လှေအသင်းသမိုင်းတစ်လျှောက် အငယ်ဆုံးသော ကော်မတီဝင်တစ်ဦးဖြစ်လာခဲ့ပြီး၊ အသက် (၃၂) နှစ်တွင် အငယ်ဆုံးသော ဒုတိယဥက္ကဋ္ဌ (Vice Commodore) နှင့် အသက် (၃၈) နှစ်တွင် အငယ် ဆုံးသော ဥက္ကဋ္ဌ (Commodore) အဖြစ် တာဝန်ထမ်းဆောင်ခွင့် ရရှိခဲ့ပါသည်။ သူသည် အရှေ့တောင် အာရှအားကစားပြိုင်ပွဲ (SEA Games) တွင် ရွှေတံဆိပ် (၂) ခုနှင့် ကြေးတံဆိပ် (၁) ခု ဆွတ်ခူးရရှိထား သူလည်းဖြစ်ပါသည်။ လက်ရှိတွင်လည်း နည်းပြခြင်းနှင့် လမ်းညွှန်မှုပေးခြင်း (Coaching/ Mentoring) လုပ်ငန်းများတွင် အလွန်ဝါသနာ ထက်သန်ဆဲဖြစ်ကာ အပတ်စဉ်ပိတ်ရက်တိုင်းတွင် ရန်ကုန်ရွက်လှေအသင်း၌ ရွက်လှေစီးနင်းမှုကို ပျော်မွေ့စွာ ဆက်လက်လုပ်ဆောင်နေသူတစ်ဦး လည်းဖြစ်ပါသည်။

Sai Pyae Sone Hein

စိုင်း (ခေါ်) XO သည် ဒုတိယအသင်းခေါင်းဆောင် (Deputy Captain) တာဝန်ထမ်းဆောင်နေသူဖြစ် ပြီး တစ်ချိန်တည်းမှာပင် မြန်မာနိုင်ငံရွက်လှေအဖွဲ့ချုပ် (Myanmar Yachting Federation) တွင် နည်းပြချုပ် (Head Coach) အဖြစ် တာဝန်ယူထားသူလည်းဖြစ်ပါသည်။ သူသည် ယခင်က 470 ရွက်လှေအမျိုးအစားဖြင့် နိုင်ငံကိုယ်စားပြု ယှဉ်ပြိုင်ခဲ့သူတစ်ဦးဖြစ်ပြီး အရှေ့တောင်အာရှ အားကစား ပြိုင်ပွဲ (SEA Games) တွင် ရွှေတံဆိပ် ၁ ခု ဆွတ်ခူးရရှိခဲ့ပါသည်။ စိုင်းသည် ရွက်လှေအားကစားသို့ အခြားသူများထက် နောက်ကျမှရောက်ရှိလာသူဖြစ်သော်လည်း၊ သူ၏ ထူးချွန်သော အားကစား ကျွမ်း ကျင်မှုနှင့် ရေပြင်အားကစားအပေါ် စိတ်အားထက်သန်မှုတို့ကြောင့်၊ မြန်မာ့လက်ရွေးစင် မျိုးဆက် သစ်ဘော်လီဘောအသင်းမှ ရွက်လှေအားကစားသို့ ကူးပြောင်းလာခဲ့ခြင်းဖြစ်ပါသည်။ (တိုက်ဆိုင်မှု တစ်ခုမှာ သူသည် တောင်တန်းအထူထပ်ဆုံးဖြစ်သော ရှမ်းပြည်နယ်မှ မွေးဖွားလာသူဖြစ်သော်လည်း ရေပြင်အားကစားတွင် အောင်မြင်မှုရရှိခဲ့ခြင်းပင်ဖြစ်ပါသည်)။ ထို့အပြင်၊ စိုင်းသည် ရန်ကုန်ရွက်လှေ အသင်း (Yangon Sailing Club) ကော်မတီတွင် လှေများတာဝန်ခံ (Captain of Boats) အဖြစ် တာဝန်ယူထားပြီး အသင်း၏ ကျွန်းသားရွက်လှေများ တည်ဆောက်ခြင်းနှင့် ပြုပြင်ထိန်းသိမ်းခြင်း လုပ်ငန်းစဉ်များအားလုံးကို ကြီးကြပ်ကွပ်ကဲနေသူလည်း ဖြစ်ပါသည်။

Su Myat Soe

စုမြတ်သည် ၂၀၀၁ ခုနှစ်၊ အီတလီနိုင်ငံ၊ ရာဗင်နာ (Ravenna) မြို့တွင် ကျင်းပခဲ့သော International Women’s 420 Open World Championships ပြိုင်ပွဲ၌ ကမ္ဘာ့အဆင့် အဆင့် (၃) (3rd Overall) ကို ဆွတ်ခူးနိုင်ခဲ့ပြီး မြန်မာ့ရွက်လှေလောကအတွက် ကမ္ဘာ့အဆင့်တွင် အမြင့်မားဆုံး စွမ်းဆောင်ရည် မှတ်တိုင်တစ်ခုကို စိုက်ထူပေးခဲ့သူဖြစ်ပါသည်။ သူမသည် အရှေ့တောင်အာရှအားကစားပြိုင်ပွဲ (SEA Games) များတွင် ရွှေတံဆိပ် (၁) ခုနှင့် ငွေတံဆိပ် (၂) ခု ဆွတ်ခူးရရှိထားပါသည်။ လက်ရှိတွင် ရန်ကုန်ရွက်လှေအသင်း (Yangon Sailing Club) ၏ ဒုတိယဥက္ကဋ္ဌ (Vice Commodore) အဖြစ် တာဝန်ထမ်းဆောင်နေပြီး၊ မြန်မာနိုင်ငံ Optimist ရွက်လှေအသင်း (Optimist Dinghy Association of Myanmar) ၏ ဥက္ကဋ္ဌအဖြစ်လည်း တာဝန်ယူထားပါသည်။ ထို့အပြင် သူမသည် ဆေးဘက်ဆိုင်ရာ ဆရာဝန်တစ်ဦးဖြစ်ပြီး မြန်မာနိုင်ငံတွင် လူသိများထင်ရှားသော ကလေးအထူးကုဆရာဝန် တစ်ဦး လည်းဖြစ်ပါသည်။