SSL Gold Cup အာရှခြေစစ်ပွဲ ဒုတိယနေ့
ချွန်ဘူရီ၊ ဒီဇင်ဘာ (၂၁)
မြန်မာအသင်း အားစိုက်ရုန်းကန်ပြီး ပထမဆုံးပွဲစဉ်တွင် အနိုင်ရရှိ
အုပ်စု (A) ၏ ဒုတိယမြောက်နေ့တွင် မြန်မာအသင်းသည် နိုင်ငံအချင်းချင်း ယှဉ်ပြိုင်ရသည့် ရွက်လှေပြိုင်ပွဲ၌ ၎င်းတို့၏ အရှိန်အဟုန်၊ စိတ်ရှည်မှုနှင့် သတ္တိတို့ကို ပြသနိုင်ခဲ့ပြီး အမှတ်ရစရာ အကောင်းဆုံး အခိုက်အတန့်တစ်ခုကို ဖန်တီးနိုင်ခဲ့သည်။ ပွဲစဉ် (၅) တွင်မြန်မာအသင်းသည် အရှုံးမပေးဘဲ ဇွဲဖြင့်ယှဉ်ပြိုင်ခဲ့ပြီး လေကြောင်းအပြောင်းအလဲများကို ကောင်းမွန်စွာ ခန့်မှန်းနိုင်ခဲ့သည်။ နောက်ဆုံး လေအောက်ဘက်သို့ စုန်ဆင်းရသည့် လမ်းကြောင်းတွင် ဖိလစ်ပိုင်အသင်းကို ကျော်တက်ကာ စက္ကန့်ပိုင်းအလိုဖြင့် အနိုင်ရရှိခဲ့သည်။ ပွဲစဉ် (၆) ရွက်လှေအချင်းချင်း အကြိတ်အနယ် ယှဉ်ပြိုင်ရပြီး လှေအသွားအလာ များပြားသည့်ကြားမှ မြန်မာအသင်းသည် အဆင့် (၃) နေရာကို ခိုင်ခိုင်မာမာ ရယူနိုင်ခဲ့သည်။ ဘရာဇီးနိုင်ငံ၊ ရီယိုဒီဂျနေရိုးမြို့တွင် ကျင်းပမည့် ဗိုလ်လုပွဲသို့ တက်ရောက်နိုင်ရန် ကြိုးစားနေသည့် မြန်မာအသင်းအတွက် ယနေ့သည် ယုံကြည်မှုတိုးစေသည့် နေ့တစ်နေ့ ဖြစ်ခဲ့သည်။ မနက်ဖြန်တွင် ရမှတ်များကို နှစ်ဆ (Double Points) သတ်မှတ်ထားသဖြင့် နောက်ဆုံးနေ့တွင် မည်သို့သော ရလဒ်မျိုးမဆို ပြောင်းလဲသွားနိုင်သည့် အခြေအနေတွင် ရှိနေသည်။